I zieh a Gsicht no (Sitting on a fence)

Ich han ganz alte Schuh, die sen scho richtig hee,
wenns schifft do krieg i an nassa Zeh
em Schuhgschäft ischsRegal ganz leer en meiner kloina größ,
i soll halt zo de Kender nom, hano was isch denn des

I zieh a Gsicht no weils mir stenkt
Des han i mir ganz andersch denkt,
en kenderabteilung gang i ned nomm,
gang wieder hoim mir isch des z domm,
I zieh a Gsicht no weils mir stenkt

Em Parkhaus ischs mol wieder eng, i fahr päb omd Kurv
an Rombler duats ond i ahn nix guats
die rechte Seit vom Auto die isch total lädiert
koscht schlappe 3000 Euro, wenns mrs richtig repariert.

I zieh a Gsicht no weils mir stenkt
Des han i mir ganz andersch denkt,
fahr nie mehr en des Parkaus nei,
denn so eng des muass et sei,
I zieh a Gsicht no weils mir stenkt.

En Kirchheim feiert mr a Feschd, dr Bohhof gibt’s scho lang,
drom macht mr au an riesiga Empfang,
doch am Bohhof liagat Scherbe rom, ond Kippa ohne End,
gibt’s den des daß mr für so a Feschd nemad zom Putza fend



I kauf a rote Wurschd, des muss oft mol sei,
doch ohne Sempf krieg i die ned nei.
Em Wuschdschdand isch dr Schpender leer
was i glei reklamier
se agat koi Problem, sie brengat an neia mir

I wart no emmer auf mein Sempf.
Mit der Rota Wurschd i kempf.
A rote Worsch des muss scho sei
doch ohne Sempf goht gar nix nei.
I wart no emmer auf mein Sempf.

Wir nutzen Cookies auf unserer Website um diese laufend für Sie zu verbessern. Mehr erfahren