Schwitz (nach Route 66)

Text: G. Wölfle Musik Bobby Troup

I fahr mit meim Rad aufd Schlatterhöh`
Dr Drebbel an meim Rad isch scho lang lang nemme he
krieg meine Kicks erscht dann wenn i schwitz.

Dr Radweg noch Lenninga isch voll wiead Sau
ond am Wasserschlößle henter Dettinga gibts an Schtau
krieg meine Kicks erscht dann wenn i schwitz.

Von Dettinga noch Owen,
von Brucka noch Lenning
älle fahrad rom grad wiea bei de Lemming

Bloß i fahr no dr Albtrauf nauf
s isch ed normal wiea i do schnauf
die Wada zucklar ons Rad des rucklat
von dr Schtin tropft Brüh
o was für a Müh

Doch i ben ned dr oinzige em Radlerdress
auf dr Alb do wuslats isch Wochaend-Freizeit-Schdress
krieg meine Kicks erscht dann wenn i schwitz.

Buckel nauf Buckel nonder
was naufgoht goht au nonder
ond Gutaberger Schtoig dui schaff i heit!
Bloß de auga duats et guat wegam Pollaflug
ond d`Nos isch verschtopft total verrotz
doch i drebbel vor mi no, bis i nemme weiter ko
ond i kehr au nirgends ei
denn mir grillat hendadrei.

I fahr mit meim Rad aufd Schlatterhöh`
Dr Drebbel an meim Rad isch scho lang lang nemme he
krieg meine Kicks erscht dann wenn i schwitz.
krieg meine Kicks erscht dann wenn i schwitz.
krieg meine Kicks erscht dann wenn i schwitz.







Wir nutzen Cookies auf unserer Website um diese laufend für Sie zu verbessern. Mehr erfahren