Sie sind hier: Startseite » Texte » Keller-Lied

Keller-Lied

Dr Schwob der hot em Keller gern an Moschd
weil dr Keller onda isch ond weils dort dongel isch
ond kühl ischs ohne Strom dort omasoschd
Drom isch em Keller Trollinger ond Moschd.

Ond so hen a paar Supergscheidla denkt
weil des onta isch ond weils dort dongel isch,
wird jetzt an Bohhof oifach so versenkt,
weil der Schwo sein Keller mog ond au so denkt!

Doch mir Schwoba send dann noch ned ganz so bled,
bloß weil des onda isch ond weils dort dongel isch.
Saget viele, noi des Toil wird ned versenkt,
Weil des koscht so viel, wie koiner des hätt denkt.



Ond freia den sich bloß die Immobilia Hai,
weil oba wird viel Platz wird für neie Häuser frei,
ond dort komma`t dann Büro ond au Gschäfter nei,
die außer Banka ond Versicherung koiner zahla ko.

Ganz em Ernscht, wer will von ons scho Maulwurf sei, noi noi
weil der onda isch ond weils do dongel isch,
drom lasst doch den Bohof oba sei,
der ganze Ärger isch auf oin Schlag dann vorbei.

Dr Flugplatz von Berlin gehört onder`t d´Erd,
weil des onda isch ond weils dort dongel isch,
die ganz Blamage muss ganz schnell vergraba sei,
drfür darf dr Bohhof Stuttgart weiter oba sei.

Zusatz:

Des Schduargard liegt onda weit em Tal
weil es onda isch ond weils dort dongel isch
dr Berg nauf isch jedesmol a Qual
drom bleibt mr em Nesebachtal.

Drom darf koi Mensch mehr auf dr Fernsehturm
weil der ned onda isch und weils ned dongel isch.
Seit fuffzig Johr hots do no gar nie brennt.
Des oinzige was brennt des isch dem Kuhn sei Hemd!



Wir verwenden Cookies um unsere Website zu optimieren und Ihnen das bestmögliche Online-Erlebnis zu bieten. Mit dem Klick auf "Alle akzeptieren" erklären Sie sich damit einverstanden. Erweiterte Einstellungen