Wenn mr 40 send (When I`m 64)

Schnell wird mr älder, d Hoor fallat aus
kaum guggsch die recht om.
40 des isch a Besonderheit
dr Schwob wird erschd mit 40 gscheit.
Mit Neunadreißig, logisch denkt
isch er no bled wiea a Henn.
Säh mr jetzt weiter, wärn mir jetzt gscheiter
wenn mir 40 sen,

Mir 40 isch no gar nix, do bisch no fit
treibsch regelmässig Schport
Sauesch d`Àlb rauf ond nonder, drebbelsch Fahrrad wie bled,
mit de Jonge kommsch do ewig no mit.
Sogar so neimodische Sacha wie`s Computerglomb,
do bisch au no Fan.
Säh mr jetzt weiter, wern mir jetzt gscheiter
wenn mir 40 sen,

Ond jedes Wochaende em Wohnwaga ober
am Campingplatz en Weschderheim.
Ond d`Rente isch no weit.
Enkel sen no koine en Sicht.
Des hot au no Zeit.

Mit 40 schtohsch mitta em Läba dren
feschd mit boide Fiaß.
Schaffa schaffa renna werkla ond so
die Hypotheka zahlat sich von selber ned so.
Ond ganz ohne Gschäft wär mr au ned froh
wenn mr ehrlich sen.
Säh mr jetzt weiter, wern mir jetzt gscheiter
wenn mir 40 sen,

On jeden Sommer fahr mr noch Italien nonder an dr Gardasee
denn dort ischs so schee.
D`Kender schpielat alloi em Sand
ond für sich selber hot mr freie Hand.

Die Johresring om dr Ranza rom
die legat wieder zu.
Macha kosch do gar nix, des isch halt so.
Mach dr nix draus sei ohnewäg froh.
Mit 40 bisch halt nemme jugendlich
aber au no ned alt.
Drführ bisch jetzt gscheiter
drführ siehsch jetzt weiter
jetzt bisch de 40 halt.

Wir verwenden Cookies um unsere Website zu optimieren und Ihnen das bestmögliche Online-Erlebnis zu bieten. Mit dem Klick auf "Alle akzeptieren" erklären Sie sich damit einverstanden. Erweiterte Einstellungen