Sie sind hier: Startseite » Texte » Marktgass (Penny Lane)

Marktgass (Penny Lane)

Do en dr Marktgass an der Mauer vor dem Metzgergschäft
do sen mir friher emmer jeden Tag g`hockt
hen dene Leit en dr Schdadt zuguckt,
wie se romlaufat.

Ond komm i heit dort no der Platz der isch jetzt nemme do,
ond au die Mauer isch scho lengschd mol gwäh,
die ganze Marktgass isch so kalt ond leer
so lang isch des no gar ned her.

End dr Marktgass isch mol richtig gmütlich gwäh
mr hot sich troffa ond mr hots gsäh
ond hot a Schwätzle gmacht.
`

An dem Platz schdoht jetzt a riesa große Dreschdnerbank.
Ond die Leit die wetzat eilig raus ond nei.
Denkat bloß no an ihr Geld drbei.
Muss des sei.

Ond weiter onda vor dem winzig kloina Eiscafe
hot ons der Stadtsheriff faschd jedesmol verscheucht.
Die ganze Schdat isch von dene Gammler verseucht
des hot er keucht.

End dr Marktgass isch mol richtig gmütlich gwäh
mr hot sich troffa ond mr hots gsäh
ond hot a Schwätzle gmacht.

Für des Eiscafe schdoht jetzt a grosses Parkhaus do
ond schtatt de Leid treffat sich d`Blechkarossa dort.
Ond au der Stadtsheriff iscfh längscht scho fort.
Was soll der no dort.

Jo die Marktgass wie sich die veändert hot.
Beto, Banka Gschäfter
ond die Leit sen längschd fort von dr Schdat.

Jo die Marktgass wie sich die veändert hot.
ond die Leit sen längschd scho fort,
fort von der Marktgass.

Wir verwenden Cookies um unsere Website zu optimieren und Ihnen das bestmögliche Online-Erlebnis zu bieten. Mit dem Klick auf "Alle akzeptieren" erklären Sie sich damit einverstanden. Erweiterte Einstellungen