Zimmermannslied

Wenn oiner a schtoinigs Äckerle hot
ond au an schtompfa Plug,
ond no a grätigs Weib drhoim
dann hot er z`kratza gnuag
Juchhee

Onser Katz hot Jonge kriegt
sechs sieba a dr Zahl,
ons letschde isch a Hondle gwä
mei des war an Skandal
Juchhee

Onser Katz hot Jonge ghet sechs sieba achte neun,
ons letschde hot koi Schwänzle ghet
des schieb mir nomol nei.
Juchee.

Hender Haus ond vor em Haus
do schtoht a Sack voll Biera
sait dr Knecht zur Pfarrersmagd
komm den mirs mol probiera.

S`Mariele hot gmoint, es dät ra nix,
jetzt hots er äbbas dau.
Jetzt schiebt se Kend em Waga rom
hängt Wendla übern Zau.

Dr Karle hot gmoint, es dät em nix,
jetzt hots em ebbas dau.
Jetzt zahlt er halt die 50 Mark
wie onseroiner au.

Ons Mariele hot Kender ghet,
jetzt woiß mr ned von wem.
Drhoim hen se an Ziegabock,
jetzt schieabt mrs halt auf den.

Wenn mi mei Mudder ärgra duat
dann werd i rabiat,
dann gang i en dr Garda na
Ond scheiß re en Salat.

Wenn mi mei Vadder ärgra duat,
dann werd i ganz erbost.
Dann gang i en dr Keller na
ond soich em en dr Moschd.

Wenn d`Musik mir auf`d Nerva goht
ons Publikum drzu,
dann brauch i halt a Pause ond mei Veschper ond mei Ruh.